Strwythur
Rhaid i gyfunddaliad gynnwys y rhannau cyffredin ac o leiaf ddwy uned. Gall yr unedau fod yn unedau hollol ar wahân, yn unedau cysylltiedig neu'n unedau mewn un strwythur. Mewn egwyddor, gall y cyfunddaliad fod o unrhyw faint.
Ni all y cyfunddaliad gynnwys:
- rhydd-ddaliad ansgwar
- tir amaethyddol
- teitl digwyddiadol (h.y. teitl sy'n debygol dan statudau penodol i gael ei ddychwelyd i rywun ac eithrio'r perchennog cofrestredig h.y. rhai ysgolion nas defnyddir mwyach).
Gellir creu cyfunddaliad at ddefnydd masnachol neu breswyl, neu gyfuniad o'r ddau. Gall y cyfunddaliad gynnwys mwy nag un darn o dir, er enghraifft, gallent fod ar ddwy ochr i'r ffordd ond os na cheir ymrwymiadau cyffredin neu gyfleusterau y mae'r ddau ddarn o dir yn eu rhannu, ni fyddai un cyfunddaliad yn briodol.
Unwaith y bydd yn weithredol, bydd cyfunddaliad yn parhau fel hyn nes y caiff ei derfynu yn unol â'r Ddeddf.
Gall cyfunddaliad ddeillio o dair sefyllfa:
- datblygiadau newydd
- trosi lesddaliadau
- trosi rhydd-ddaliadau
Ewch i'r dudalen nesaf i fwrw golwg fanylach ar y rhain
