Terfynu
Terfynu ffurfiol
Caiff y broses o derfynu cyfunddaliad yn ffurfiol ei rheoleiddio gan y Ddeddf, sy'n nodi darpariaethau manwl iawn ynghylch pryd y gall hyn ddigwydd. Yn fyr, gellir terfynu cyfunddaliad trwy:
- derfynu gwirfoddol pan fydd aelodau cyfunddaliad yn pleidleisio i derfynu'r cyfunddaliad (is-adrannau 43-49 y Ddeddf)
- terfynu gan y Llys gyda gorchymyn olyniaeth neu heb un, pan ddaw'r gymdeithas cyfunddaliad yn ansolfent (is-adrannau 50-54 y Ddeddf), neu
- Orchymyn Llys dan adran 55 y Ddeddf.
Ffyrdd eraill y gall y cyfunddaliad ddod i ben
Yn ogystal, gall cyfunddaliad ddod i ben mewn ffyrdd amgen i derfynu ffurfiol – er enghraifft dan adran 6 y Ddeddf, gall y Llys ganiatáu datganiad na ddylid bod wedi cofrestru'r ystad rydd-ddaliol fel ystad rydd-ddaliol mewn tir cyfunddaliol.
Ceir mwy o wybodaeth am derfynu a ffyrdd eraill y gall cyfunddaliad ddod i ben yng Nghyfarwyddyd Ymarfer 60 - Cyfunddaliad.
Mae'r dudalen nesaf yn trafod sut y gellir newid y dogfennau ynghylch y strwythur a sut y gellir ychwanegu tir at y cyfunddaliad.
